Sálmur 37:4
"Og gleð teg í HARRANUM - so gevur Hann tær tað, ið hjarta títt tráar eftir." Versið lærir, at tá tú finnur tína størstu gleði og eydnu í Gudi, so eru tíni ynski í tráð við Hansara vilja....
Sálmur 37:4 lærir okkum, at sanna gleðin fæst í felagsskapinum við Gud. Tá vit venda hjarta okkara til Harran og søkja vilja Hansara, arbeiðir Hann í lívi okkara og leiðir okkum á rætta leið. Ofta gevur Gud okkum ikki alt, sum vit ynskja okkum í løtuni, men Hann kennir okkara djúpasta tørv og veit, hvat er best fyri okkum.
Í tekningini sæst ein ung genta við samanløgdum hondum og einum friðsælum áliti í eygunum. Myndin minnir okkum á týdningin av at leggja ynski, dreymar og framtíð okkara í hond Guds. Tá vit gleðast í Harranum og líta á Hann, kunnu vit kenna frið í hjartanum og vissu um, at Hann leiðir okkum við kærleika og vísdómi.
Versið minnir okkum ikki bert á tað, sum Gud gevur, men fyrst og fremst á tann Gud, sum vit kunnu gleðast í. Tí tá Hann fær fremsta plássið í hjartanum, veksur álitið, vónin og gleðin.